| نشهد الله بحبه يوم
يطرونه |
مرحبا فيك يا شيخ لنا
غالي |
| والسعد بان وكل شاف
بعيونه |
نحمد الي علينا بالسما
عالي |
| شيخ الاسلام وجنوده
يبارونه |
في سعود الملك هو زاكي
الافعالي |
| وهم حمى الدين قاموبه
وبركونه |
هم هل الملك بالاول
وبالتالي |
| وماحوته
الجزيرة حربهم دونه |
والي الجزيرة
والله الوالي |
| وما نزل من ورى
بيروت يالونه |
وما ورى حضرموت
وحده شمالي |
| نصرهم قايم والشرك
يطفونه |
بمشيئة الله ولابه شك
واشكالي |
| قبسة الحرب لين الناس
يوحونه |
والعدو عندهم له صوت
زلزالي |
|
يرعب الِّي بهم شك
ويخيلونه
|
وان تظهر من العارض له
خيالي |
| والرعد بالمشوك يوم
يرمونه |
برقه سيوف ومخومس
وشوزالي |
| وهدة بالّقا
والموت
ينسونه |
ورفعت الصوت بالعوجا
والابطالي |
| ذا طريح وكسير وذاك
ينعونه |
كن نطل الجنايز فيه
ميالي |
| يشبع الطير
والسرحان في كونه |
وعقب عج ودخان
إلى انجالي |
| لين راس العدو
بالحزم ياطونه |
كل هذا لمن خالف
ومن عالي |
| ومن تعرض لهم
بالبر يعطونه |
واشبعو نجد
وضعوفه والارمالي |
| نبت عشبه وكل
الناس يرعونه |
وكل ما حل له في
وادي سالي |
| بامن الاوطان
مبه ذل يخشونه |
نعمت شافها
جاهل وعقالي |
| عد مالاح برق
وهلت مزونه |
وياصلاتي على
اللي مرسل تالي |
| وان جا الشتا
والبرد ماله عواني |
غرس لنا بالقيض
مااكْثر عوانيه |
| وان زل مرطابه
غدوا ذيهباني |
إلى حل مرطابه
ياكثرهم فيه |
| تحت النخل يصهل
صهيل الحصاني |
ماعاد توحي فيه
ياكود راعيه |
| اقلط تقهو وصير
العمر فاني |
وان كان مر احدٍ
مع الدرب اناديه |
| هو اخير مني لو
عطيته عطاني |
والله لو انا
طول الايام نسقيه |
| جح وقرع
واجراوه وبيدجاني |
مادون تلقى
خضرته في مثانيه |
| تلقى ثمرها به
كما الديدحاني |
والصلصة اللى
بحققتها انشريه |
| شباع من الخضرة
سمانٍ بداني |
وخلف البقر
باظلته كنه التيه |
| وزبده على تمر
النخل بالصياني |
وان جا المسير
من لبنهن نرويه |
| متخالط طلعه
عدها ثماني |
نويعٍ سبحان
ربٍ
مسويه |
| وصفري ومسكاني
وشقر وبراني |
حلا ومكتومي
وسلج وذاويه |
| عندي عيالي
وامهم بالمكاني |
ياوسع صدري يوم
انا قاعدٍ فيه |
| عسى مدس عظامها
للجناني |
وان قلت سوي شي
قامت تسويه |
| مهيب دعايةٍ
قصيرة لساني |
سماعةٍ ومطيعة
الرجل ترضيه |
| دايم بمصحفها
وتقرى القراني |
تجللت ثوب
الحيا وادرعت فيه |
| واثر الوحادة
تخلف المودماني |
وحلفت يا غرس
غرسته ما اخليه |
| ياكل ثمره
ابلاش بالهيملاني |
ولا لقيت احدٍ
يجي فيه ويسقيه |
| والغرس خليناه
يمّ ذهلاني |
وعدنا لمسكنا
الاول واهاليه |
| لو هو بغايب دينٍ
كمٍ زماني |
يليت من يلقى
عميلٍ ويشريه |
| على النبي
واعداد سبع المثاني |
وصلاة ربي عد ما
اذن مناديه |
| ونزرى على
القاعد مصرف بيازه |
منول نسافر
ونطرش ونمتد |
| حدر الكويت
وفوق قبلة حجازه |
ونمشي براي
الله ورايٍ مسدد |
| وان قصر واحدٍ
زدنا الاخر لكازه |
ونرفع لها بد
ونرخي لها بد |
| نفلي شقوق
غروبها بالخرازة |
واليوم صرنا في
همومٍ وفي كد |
| بغرس بغير حصون
جدره خزازة |
مغير وزن البيت
يوم نتردد |
| مثل السراج إلى
قضى عنه قازه |
وقلباننا صارت
بذا الضلع الاسود |
| يسقي غروسٍ به
عليهن عازه |
يالله لعله كل
ما هل وارعد |
| والدين يوفى
ماله الا نجازه |
بيارهن ترجع
وماهن يرتد |
| مثل القليب الي
تسمى لزازة |
إلى نويت الركز
فاركز على عد |
| هيام المعيد
وكلٍ كالفٍ نحازه |
والا قليب
اشنان في ماضي الحد |
| ماعذبت صبيانها
بالنهازة |
والا الحزيمية
إلى وقف العد |
| حريزة وحرزة
وثالثتهن حرازة |
والا الثلاث
الي تذكر على جد |
| تنطح إلى رزوا
عليها ارتوازه |
هذي عيالم نجد
علمٍ مؤكد |
| ابرج
لعودٍ ثاقلٍ في مسيره |
ياالله
يلّي في يده كل تدبير |
| اطلب من
الله جعل بالامر خيره |
محدب
وكنه وايقٍ له على بير |
| من ضمها
منكم تراها الذخيره |
نصيحةٍ من
عودكم يامناصير |
| فيها وكل
امرٍ يهون تعسيره |
خمس
الفرايض قوموها ترى الخير |
| ما تنقصه
تزيد في كثر خيره |
وترى
زكاة المال فرض وتطهير |
| ومن عق
بالوالد رمي بالسعيرة |
ومن بر
بالوالد تمكن من الخير |
| كلٍ
يعاين ويش هو فود طيره |
وحنا
نغذيكم سواة الصقاقير |
| واحدٍ
يحط امه وابوه النحيره |
أحدٍ
يجيب الخير تلقاه في غير |
| إلى هفا
صاعه يوفيه غيره |
مايدري
ان بين الرجاجيل تسعير |
| عند
الجماعة والعرب والعشيرة |
وإلى وفى
عدَّى بعالي شمنصير |
| وتنسلوا
تفقانهم للمغيرة |
واخرى
إلى من طالعوا جيشٍ ومغير |
| صارت
عليهم يوم غاروا كسيرة |
تنطحوهم
بالرصاص المناعير |
| وغدوا
كما صيدٍ إلى شاف ذيرة |
طاح
العشى منهم لسرحان والطير |
| بين
الحنادي والنسور الكبيرة |
قامت
تعايد فيه عكف المناقير |
| من مجلسٍ
في مجلسٍ بكل ديرة |
يقلط على
كيف الدلال المناحير |
| تبغى
العشى ليلة عجاج ومطيرة |
واخرى
إلى جنك مناحير واعصير |
| والضيف
له شانٍ وامورٍ كبيرة |
اضحك
ورحب بالوجيه المسافير |
| ومن
لاكرمه يلحقه مسبة وعيرة |
موصيك
باكرامه ولي المقادير |
| تفزع معه
وتعلمه بالسريرة |
واخرى
ترى للجار حق وتقدير |
| اصبر كما
صبر النبي في جويره |
ولو حط في
دربك قزاز ومسامير |
| اسلم
وبشره ان طوبى مصيره |
جاره
يهوديٍ يقولون له خير |
| ان جاه
ساموحٍ او تردى بعيره |
واخرى
خويك بالمطاريش والسير |
| وانقل
مخاسيره ولو هي كثيرة |
باحمل
معاليقه ويقدم على البير |
| ترى كنك
مظهره من كسيرة |
ومع
الخوي بالك تطيع المشاوير |
| ما يجي
منه الا شرورٍ كثيرة |
واخرى
ترى كثر الَّغى والمعاقير |
| وحكمة
وكظم الغيظ لك فيه خيرة |
والصمت
عزٍ للفتى بالمحاضير |
| في درب
جاهية ومعها معاذيره |
واخرى
الى جوك الجماعة مسايير |
| محدٍ
بيلطم جاه ربعه واميره |
عطهم ترى
للجاه حق وتدبير |
| والي
يحمل الصبر ربي شويره |
واصبر
ترى الله واعدٍ من صبر خير |
| وخلك مع
اهل الخير في كل ديره |
والظلم
حذرى منه باشد تحذير |
| غدا وتاه
وضايع في مسيره |
ومن طاوع
النسوان في كل تدبير |
| واليوم
ما تشرى بحبة شعيرة |
تشرى
النصايح بالذهب والدنانير |
| على
النبي واعداد وبل المطيرة |
وصلاة
ربي عد ما صوصت الطير |
| من ضمها منكم تراها الذخيرة |
هذي دروب
المرجلة يا مناصير |
